صدر حديثا عن دار النسيم للنشر ديوان« ستاتسكو» للشاعر محمود المنشاوي وهو أول أعماله الشعرية ، ويشارك الديوان في معرض القاهرة الدولي للكتاب لعام 2017. ضمن قصائد الديوان. حضرة وريد الأضرحة النيل بيغرق م البعاد النيل عناد بيضم مسافاتك طريق و يبصلك بيداري خوفه م الحنين و من الشغف لعيون بتقتل كل أحلام العذاري ف سد خانة الأرتباط النيل رباط .. جامع ما بين الملهوفين و المشتاقيين يوم للدفا و العشمانيين بالأجوبة كان مين بيسرق حلمهم و يردهم من غير ما حتي يرسموا كلمة وداع يوهبلهم كحلة دموع الليل .. يا قلب عليل كفاية عويل علي فراقها كفاية الضحكة تسرقنا ب خطاوي الموشومين بالصمت و تبعتها لأخر سكة تجمعنا ف طابور الدم جناين هم .. و بتلم الحكاوي براح مانيش مرتاح ولا عارف أداري الدمع ف جبيني ولا عارف أرق عليه هاتفرق أيه .. حتي اللي كانوا بيجمعوا المواويل فرح لموا العزال .. شالوا الرحال و فضلت أنا رب الرزيلة المغرضة و رب الفضيلة المستباحة للطغاة .. ضحكة عطش بتجري ريق الأضرحة لحبة مناسك ملزمة لتوب الإله زغدة بخور مع دعوة تعمي السكرانيين وسط الصلاه تشبه ملاحم للغنا ف صوت الشيطان تواشيح ملايكة بيلعنوا نبض الملل و بيوئدوا أنين الرحم جوا الأدان .. حبة صور متجمعة علي توب غريق بيناجي روح متعلقة علي شكل قشايه و يديها لون يشبه لضي مقام ولي كان برضه سكران ف الصلاه و سايب دموعه تضم نيل و النيل ساعتها ماكنشي عارف صوت ملاك الرحمة فين ..!