قال الإعلامي شريف مدكور، المذيع بقناة "المحور"، ردًا على الانتقادات الكثيرة التي وجهت له عقب حلقة "الصنفرة": "إن الصنفرة دي التطور الطبيعي لليفة والحجرة، ده كريم بنصنفر بيه القدم، وأنا ركبتي فيها مشكلة من الصلاة، وكنت بصنفر رجلي على الهوا حتى أستطيع الركوع والسجود في الصلاة، وبحب أصنفر الحتة دي دائما". وأضاف مدكور، فى اتصال هاتفى مع الإعلامى مجدى طنطاوى ببرنامج "كلام جرايد" عبر فضائية "العاصمة"، اليوم الاثنين: "قمت بعمل صنفرة على ركبتي، لأني لو جبت سيدة لتجربة المنتج عليها كانت هتشلح رجلها وهاتبقى قصة". وأكد، أنه لن يصمت على إهانته قائلًا: "اللي هيشتمني هشتمه مش هسكت، واللي هيقول عليا كلمة مش لطيفة هعمل محضر، وأنا ممكن اسجن أي حد".