رد الإعلامى شريف مدكور، على الانتقادات الكثيرة التى وجهت له عقب حلقة "الصنفرة"، الأربعاء الماضى، قائلاً: "كان معايا صنفرة، ومن يتابع يعرف إن دى التطور الطبيعى لليفة والحجرة، ده كريم بنصنفر بيه القدم، وأنا ركبتى فيها مشكلة مكان الصلاة وبحب أصنفر الحتة دى دائمًا". وأضاف مدكو، مداخلة هاتفية لبرنامج "كلام جرايد" على قناة "العاصمة"، مساء الاثنين: "أخدت الصنفرة دى وجربتها على ركبتلا، ولو كنت جبت واحدة ست أجرب عليها المنتج على الهواء كانت هتشلح رجلها وهيعملولى قصة". وعن الانتقادات التى وجهت له، قال: "اللى هيشتمنى هشتمه مش هسكت وأزغرطله، واللى هيقول عليا كلمة مش لطيفة هعمل محضر، وأنا ممكن اسجن أى حد، والصحفى اللى شتمنى اللي بيشكك فى رجولتى وأنا بقوله تعالى الاستوديو ونشوف مين فينا اللى راجل، وأنا برة الشاشة سافل جدًا مع السافل ومحترم مع المحترم". وأضاف: "من 6 سنوات، فيه عيل صغير عنده 18 سنة وكتب كلام زى الزفت، رفعت عليه قضية الشرطة جابته من قفا أمه، وأهله قعدوا يجروا ورايا عشان أتحكم عليه بالسجن عامًا".