رد الإعلامي شريف مدكور، المذيع بقناة المحور، على الانتقادات الكثيرة التي وجهت له عقب حلقة "الصنفرة"، الأربعاء الماضي. وقال "مدكور" في مداخلة هاتفية لبرنامج "كلام جرايد" على قناة "العاصمة"، مساء الاثنين: "كان معايا صنفرة، ومن يتابع يعرف إن دا التطور الطبيعي للليفة والحجرة، ده كريم بنصنفر بيه القدم، وأنا ركبتي فيها مشكلة وبحب أصنفر الحتة دي دائما". وأضاف: "أخدت الصنفرة دي وجربتها على ركبتي، ولو كنت جبت واحدة ست أجرب عليها المنتج على الهواء كانت هتشلح رجلها وهيعملولي قصة". وعن الهجوم علية قال: "اللي هيشتمني هشتمه مش هسكت وأزغرطله، واللي هيقول عليا كلمة مش لطيفة هعمل محضر، وأنا ممكن اسجن أي حد".وتابع: "من 6 سنوات، فيه عيل صغير عنده 18 سنة كتب كلام زي الزفت، رفعت عليه قضية الشرطة جابته من قفا أمه، وأهله قعدوا يجروا ورايا عشان اتحكم عليه بالسجن عامًا".