استضاف موقع صدى البلد الإخباري، الإعلامية مفيدة شيحة، والتي كشفت تفاصيل جديدة عن بدايتها في المجال الاعلامي. بحضور نجمات الإعلام.. 30 صورة من عقد قران ابنة مفيدة شيحة بإطلالة لافتة.. مفيدة شيحة تخطف الأنظار بعقد قران ابنتها اقسم بالله مش بشوفها ومش بحب أقيم حد وخلال الندوة، كشفت الإعلامية مفيدة شيحة، عن رائيها في الإعلامية صاحبة مقولة الفرعون الكبير الصغير، قائلا :"اقسم بالله مش بشوفها، ومش بحب أقيم حد، وخاصة أنني مش متابعها". وأضافت مفيدة شيحة، في ندوة لموقع صدى البلد الإخباري، أنها لم يكن في حسبانها دخول الاعلام، مشيرة إلى أنها قدمت في مسابقة في التليفزيون المصري. وتابعت دخلت الإعلام بالواسطة وكنت بحضر للتدريس بالجامعة، كان مطلوب مذيعات بمواصفات خاصة، ولحسن حظي كانت تتوافر هذه المواصفات فيا، وردوا عليا بعد 6 شهور من الاختبارات.
وعن تصريحات الرجل الفرعون الكبير الصغير، علقت مفيدة شيحة، أن :"متجوزة محامي، متجوزة باشمهندس، متجوزة موظف بنك .. أنا ست ولازم يحترمني زي ما بحترمه.. خلص الكلام". وفي سياق ذات صلة كشفت الإعلامية مفيدة شيحة، عن رائيها في الرجل المصري، مشيرة الى أن لديها أخ يعمل في مجال هندس الكهرباء وناجح في عمله، ولديها والد كان رجل مثالي. وأضافت مفيدة شيحة، ان الرجل المصري كيوت وشخص رائع لكن لديه مصائب كثيرة، والرجل أشطر واحد في الكلام وبس، المغرور الأناني، محور الكون، اللي كل المخلوقات وجدت لإسعاده وراحته». وأضافت: «الجدع أوي والشهم أوي ودمه خفيف مع الستات اللي برا البيت بس! أو برا البلد كلها، إنه الرجل المصري!، ودي محاولة لفهم صفاته المدهشة المذهلة الجميلة الكتيرة!». وأكملت «شيحة»: «الرجل مبيحبش يسمع كلمة كنت فين طول اليوم؟ انت كل يوم مع صحابك؟ مالك؟ عاوزة فلوس! واعمل ايه على الغدا؟ وليه مبتحبش تقعد معانا زي مبتتبسط مع صحابك؟ ومش هتخرج معانا؟ مبيحبش العياط والزن والشكوى واللوم، مبيحبش الطلبات والحكايات والتفاصيل، مبيحبش يكون له دعوة بأي حاجة». وفي وقت سابق، وصفت الإعلامية ياسمين عز، الرجل المصري بأنه الفرعون الكبير الصغير، مطالبة انه علي أن الرجل يتقدم بخطوات عن زوجته أثناء السير في الشارع أو الأماكن العامة، قائلة "أن هذه الحركة إن دلت علي شئ فإنما تدل علي عظمة الرجل .. وأن مفيش منه اتنين في الدنيا دي كلها .. يا حبيبة قلبي هو بيعمل كده مش عشان مكسوف منك طبعا أو مش عاوز يمشي معاكي وجمبك .. هو بيعمل الحركة دي من روح الفرعون اللي جواه ولابساه".
