رد الشيخ خالد الجندي عضو المجلس الأعلى للشؤون الإسلامية، على سائلة عن حديث علماء الدين في الشأن العام، ناصحة إياه بالرجوع إلى المتخصصين في شؤون الاقتصاد. فين الاقتصاديين بتوعِك؟! وقال خالد الجندي خلال حلقة برنامج لعلهم يفقهون، المذاع على فضائية dmc، اليوم الاربعاء على لسان السائلة،: "حضرتك رجل دين مش اقتصاد ارجع لرجال الاقتصاد قبل ما تتكلم"، ليجيبها:"حضرتك تقيمي كلامي ازاي صح ولا غلط، كلام فارغ من المأجورين ولقطاء ومعدومي الوطن، يقولون إننا هنروح في داهية، مع إن فيه اقتصاديين بيقولوا عكس كلامهم مفروض أصدق مين، اللي بيتكلم على أرض الواقع ولا كلام اللقطاء". وتابع خالد الجندي:" الاضرابات في كافة أنحاء العالم، فين الاقتصاديين بتوعِك؟!، أن لست رجل دين أنا عالم دين، أنا مواطن مصري زيي زي أي حد، ممكن أكون غلط ممكن أكون صح، من لم يهتم بأمر المسلمين فليس منهم". تعارض مصلحة الإنسان مع الأديان كما قال الشيخ خالد الجندي، عضو المجلس الأعلى للشئون الإسلامية، إن ابن قيم الجوزية، كان له كلمة رائعة وهى إذا تعارض مصلحة الإنسان مع الأديان، قدمت مصلحة الإنسان على الأديان. وتابع خالد الجندي، خلال حلقة برنامج لعلهم يفقهون، المذاع على فضائية dmc، اليوم الاربعاء: "شوف الكلام مصلحة الإنسان مقدمة على الدين والشرع نفسه، بدليل أن ربنا لو فى حاجة لمصلحة الإنسان بيقدمها على الشرع نفسه، ربنا فى الحج ربنا بيقولك ليشهدوا منافع لهم ويذكروا اسم الله"، مستشهدا بقول الله سبحانه وتعالى: وأذن في الناس بالحج يأتوك رجالا وعلى كل ضامر يأتين من كل فج عميق ( 27 ) ليشهدوا منافع لهم ويذكروا اسم الله في أيام معلومات على ما رزقهم من بهيمة الأنعام فكلوا منها وأطعموا البائس الفقير ( 28 ). ووجه خالد الجندي حديثه، لسائلة: "لما نقول بناء مصانع يبقى اهم بكثير من بناء 20 الف مسجد، ليه يعنى المصنع هو اللى بيطلع لك العيش والمكرونة، مين يجهز الطعام، للناس اللى بتخلف بالخمس بطون دون وعى وادراك، المصانع هتفتح بيوت وأراضى هتستصلح، احنا مرينا بكل الأزمات العالمية وحتى الآن بفضل الله، مفيش أزمات جوع، مصلحة البلد اهم من الحديث عن فتاوى الجناب والنفاس".