قال الشيخ خالد الجندى، عضو المجلس الأعلى للشؤون الإسلامية، إن ابن قيم الجوزية كان له كلمة رائعة، وهى إذا تعارضت مصلحة الإنسان مع الأديان، قُدمت مصلحة الإنسان على الأديان. وتابع «الجندى»، خلال حلقة برنامج «لعلهم يفقهون»، المذاع على فضائية dmc، اليوم الأربعاء: «شوف الكلام مصلحة الإنسان مقدمة على الدين والشرع نفسه، بدليل أن ربنا لو في حاجة لمصلحة الإنسان بيقدمها على الشرع نفسه، ربنا في الحج بيقولك ليشهدوا منافع لهم ويذكروا اسم الله»، مستشهدا بقول الله سبحانه وتعالى: وأذن في الناس بالحج يأتوك رجالًا وعلى كل ضامر يأتين من كل فج عميق (27) ليشهدوا منافع لهم ويذكروا اسم الله في أيام معلومات على ما رزقهم من بهيمة الأنعام فكلوا منها وأطعموا البائس الفقير (28). ووجه حديثه، لسائلة: «لما نقول بناء مصانع يبقى أهم بكثير من بناء 20 ألف مسجد، ليه يعنى المصنع هو اللى بيطلع لك العيش والمكرونة، مين يجهز الطعام، للناس اللى بتخلف بالخمس بطون دون وعى وإدراك، المصانع هتفتح بيوت وأراضى هتستصلح، احنا مرينا بكل الأزمات العالمية وحتى الآن بفضل الله، مفيش أزمات جوع، مصلحة البلد أهم من الحديث عن فتاوى الجنابة والنفاس».