تسود حالة من الاستياء الشديد بين المواطنين بدمياط؛ بسبب تأخر صرف المقررات التموينية والنقص الحاد فيها وعدم التزام الوزارة بالوفاء بوعودها وتوفير ما أعلنت عنه من سلع لدى البقالين التموينيين. وأمام أحد منافذ السلع التموينية طالب بعض المواطنين بالسكر والزيت والأرز فقط، وقالوا "مش عاوزين اللى الوزارة بتعلن عنه"، وقال آخر "الوزير كل يوم يطلع يقول هنوفر مسحوق أتوماتيك ومرقة دجاج وفراخ ولحمة ومش عارف إيه، واحنا مش عاوزين لا فراخ ولا لحمة ولا يحزنون، إحنا تعبنا انتظار عند البقالين ولغاية دلوقتى الشهر هيخلص ومش عارفين ناخد حاجة، وكل ما نيجى عند البقال يقول لنا ما فيش غير سكر ورز، طيب وفين باقى الحاجات؟ إحنا عاوزين الزيت". جدير بالذكر أن أزمة نقص المواد التموينية آخذة فى التنامى بعد عجز وزارة التموين عن توفير السلع التى أعلنت عنها أو الحد الأدنى منها، وهو الزيت والسكر والأرز.