علقت الفنانة هالة صدقي، على الفيديو المتداول لها على السوشيال ميديا أثناء إهانة العاملين معها في مسلسل "بركة"، ووصفهم بحثالة المجتمع والجرابيع "وذلك عبر صفحتها الشخصية "انستجرام". حيث قالت "صدقي"، خلال مداخلة هاتفية ببرنامج "حضرة المواطن"، المُذاع عبر فضائية "الحدث اليوم"،: «لأول وهلة أنا صدقت إن صوتي هو اللي في الفيديو، لكن اللي في الفيديو ولا صوتي ولا أسلوبي»، مشيرة: «أنا بكره أي حد يقول الألفاظ الخارجة، وهو أنا هشوه نفسي بالكلام». وأكملت: «الكلام دا ممكن يتقال لو أنا اعتزلت الفن، أو لو أنا طول عمري بحتقر الوسط الفني»، لافتة: «أنا دافعت عن العمال اللي قعدوا في ثورة 2011 من غير شغل»، موضحه: «أنا مسيحية مش هقتل وأقول لا حول ولا قوة إلا بالله، لأن الكلمة دي مش بتجري علي لسان المسيحيين». وأشارت: «أنا طول الوقت بدافع عن الوسط الفني لأنهم أهلي، وطول الوقت بنقضي مع بعض وقتنا أكتر ما بنقضه مع ولادنا في البيوت»، مؤكدا: «أنا مش بهرز بكلا زي دا لإن الكلام دا مش نوعية هزاري».