تداول نشطاء علي مواقع التواصل الاجتماعي فيديو لجزء من لقاء الشيخ حازم أبو إسماعيل مع الإعلامي خالد صلاح .. أجبر فيه الاول , الثاني علي إدانة فكرة إنقلاب الجيش علي السلطة . وقال أبو إسماعيل : وقف الإنتخابات البرلمانية ليست المشكلة .. ولكن المشكلة فيما يرافقه الان من مكيد إسقاط الالية الدستورية في البلد .. ولذلك أحنا مش هنسكت صدقني .. يعني لو كان الكلام اللي بيتقال أن يتم تحضير المجتمع عشان تهدم دولة القانون والدستور وحد يقفز يبقي ساعتها احنا ننزل فورا . وأضاف : شعب مصر اللي المفروض يدافع عن كرامته عشان ميقولوش ادي الشعب اهو عمل ثورة وملك أمره ومع ذلك رجع تاني اهو .. هي دي شعوب يا راجل ؟ دول حثالة البشر .. لا يمكن أن يحدث .. والكلام دة ممكن نقراه في الكتب .. إنما نبقي احنا عايشين وشعب مصر مهان قدام شعب اليهود والفرنساويين والانجليز أن احنا عملنا ثورة وتملكنا أمرنا .. وفي الاخر اتضحك عينا واتكلفتنا واتلمت مرة تانية لا عشنا ولا كنا . فسأله الاعلامي خالد صلاح : يعني انتا بتشوف ان الدعوات الي بتطالب الجيش ينزل دي دعوات كلفتة ومؤامرة .. فرد أبو إسماعيل : دي جريمة .. وإنقلاب علي الدستور .. دة إنقلاب مش كدة ولا ايه؟ فرد خالد صلاح : عايز رأيي؟ اه طبعا.