المجتمع ومرشحو الرئاسة

ياسر رشدي: اهلا بكم اعزائي المشاهدين في حلقة جديدة من المجتمع ومرشحي الرئاسة معانا اليوم من اجل التعليق على برامج مرشحي الرئاسة .. انا عايز اعرف بعد ما اطلعنا على كل برامج المرشحين عايز تحليل للبرامج
أ.سعد طعيمة: طبعا انت عارف حالة الانفلات اللي موجودة في الشارع دلوقتا فتقريبا كل برامج المرشحين منصبة دلوقت على استعادة الامن وان كان البعض بيتشابهوا جدا في الرؤى وفيما يخص ملف الاقتصاد يعني الكل صباحي زي الفريق شفيق زي ابو الفتوح بيتفقوا على الفساد الاداري وكيفية تصحيح الفساد الاداري الموجود كمنظومة متكاملة داخل المجتمع مش مؤسسة بعينها .. فيه الجزء التاني وهي البطالة وهي الصداع في راس كل المرشحين وكل واحد بيتناولها بشكل او باخر وكل واحد بيبقى له رؤى مختلفة في تناول البطالة البعض قال زي صباحي وزي مشروع النهضة وزي ابو الفتوح والفريق شفيق كلهم اتفقوا على انه هنعمل مصانع.. صباحي قال انه هنحتاج 200 مصنع وبتكنيك شرق اسيوي من الناس اللي خطوا خطوات واسعة للنهضة وخطوا خطوات واسعة لرفعة الاقتصاد المختلف في دول شرق اسيا وشفيق قال انه هيستعين بناس من بتوع شرق اسيا الي هما الخبر اء وهيكون معايا خبراء في البرنامج بتاعي والبعض احنا بنحترم البرامج الانتخابية ايا كان المرشحين مش عاوزين انا بقول على سبيل المثال وهي ومضات يعني حتى انا عاجبني الناس اللي عملوا مناظرة لكل المرشحين سواء مرشحين معروفين او غير معروفين فبداوا يعملوا عملية سرد للملفات المهمة خصوصا الملف الاقتصادي فالبعض ارتمى في احضان تركيا وتجربة تركيا والبعض ارتمى في احضان ماليزيا بس انا شايف ان معالجة الملف الاقتصادي في مصر لازم تبقى معالجة ذات خصوصية لان طبيعة مصر تختلف
ياسر رشدي:لم يلفت نظرك في اي من برامج المرشحين هذه الخصوصية يعني فعلا الكثير تحدثوا عن تجارب مختلفة يمكن تكون مؤشر لفكره لكن هذه الخصوصية المصرية لم تلمحها عند اي من المرشحين
أ.سعد طعيمة: انا عايز اقول الكل تقريبا اجمع على ان معالجة الاقتصاد برؤى مصرية هاختلف مع ابو الفتوح وخالد علي انا بقولك عن الناس اللي مزودين في الملف الاقتصادي بتاعهم بخصوص انهم ثوريين فالجانب الثوري لابو الفتوح وحمدين وخالد علي بيتوقفوا على استرداد الاموال المنهوبة داخليا وخارجيا قالك انه محتاج يعمل مجموعة من المصانع على اثر المصانع دول انا محتاج مليار يعني انا محتاج مليار جنيه سنويا ان انا محتاج الى تشغيل ما يقرب من الفين مصنع .. فانا محتاج الاموال المنهوبة وخطا خطوات واسعة وبدا انه يكلم بعض الدول وبدا انه يحصل اتصال بينه وبين اسبانيا وبالفعل واحد زي حمدين عمل اتصالات بشان الاموال التي نهبت في الخارج.. تاني حاجة الكل اجتمع على ان المواطن ايه محتاج في الوقت الحالي غير الغذاء .. الصحة والصحة دي طامة كبرى انا عشان اجي اشتغل لازم اكون لائق صحيا
ياسر رشدي:ما يصرف على فاتورة الصحة في مصر مليارات فاذا لم يكن هناك ضربات استباقية وناس اصحاء لن يكون هناك الارقام التي نسمعها .. اسمحلي استاذ سعد كتير جدا من المرشحين من خلال المتابعة هناك افراط في التفاؤل في التعافي الاقتصادي بشكل سريع هل بتعتقد ان هما متفاءلين زيادة عن اللزوم ولا دي نوع من انواع الدعاية ولا عندهم خطط واقعية
أ.سعد طعيمة: الموضوع مش بالسهولة اللي هو كل مرشح بيقوله هو كل واحد عنده امل وما دمنا ارتضينا بمبدا الديموقراطية فهنرتضي باي رئيس قادم لكن ان حتة انه تنفذ البرامج بتاعتك على ارض الواقع موضوع صعب جدا لانه انت عندك هتصطدم بسلوكيات وهناك من يتربص لاي رئيس قادم فالفترة الجاية هيبقى فيها صدام قوي جدا
ياسر رشدي:هل لمحت حد عنده برنامج زمني محدد يقول مثلا انا بالنسبة الى البطالة سوف يكون عندي عدد كذا وسيتم توظيف كذا ولا كله كلام في المطلق
أ.سعد طعيمة: فيه بعضهم زي ابو الفتوح هو قعد يفند تفنيد واسع جدا هو بيعتمد اعتماد مطلق على خدمة المواطنين وازاي يعمل عملية بحث كامل لعدد العاطلين وبدا حمدين صباحي قال انا محتاج 2000 مصنع مش هتبقى الناس متواجدة باستثمار خارجي بس ولكن بالمشاركة مع القطاع العام فبدا ان هو يجمع مجموعة من رجال الاعمال وبدا ان هو يبدا يعمل اتصال بينهم ويطرح افكاره ان هو يقول انا محتاج ارض للشباب فيما هو اكبر من سن 21 سنة لاستزراع الاراضي وعمل تفنيد لكن هو هيصدم برضه لكن هو عجبني في برنامج الفريق شفيق تبني رؤيته لممر التنمية انه هيخرج الناس الى 21 محافظة تقدر تستوعب الاف الشباب
ياسر رشدي:كمواطن مصري انت شايف رد فعل الناس المواطنين العاديين ردود الفعال ازاي
أ.سعد طعيمة: مصر الان تنقسم على نفسها بمعنى ان مصر جبهتين مع الثورة وضد الثورة وهي دي طبيعة الاشياء والمرشحين مصنفين انه مرشح مع الثورة ومرشح مع التيار الديني ومرشح الاستقرار والهدوء ولكن على اي حال احنا بنحترم كل المصريين ومادام هو مواطن مصري من حقه ان هو يترشح ومن حقه ان هو يقدم برنامجه
ياسر رشدي:المواطن حاسس بالناس دي وحاسس انها هتجيب نتيجة فيما يختص بالبرامج الاقتصادية
أ.سعد طعيمة: المواطن بينساق وراء مصالحه الشخصية لما قام بالثورة فانت لما تدغدغ عواطف الناس في حاجة زي كده فالكل هيلهث وراك فالبعض ماشي ورا بعض المرشحين على اساس ان هما بيمثلوا تيار او بيمثلوا فكر معين وبيمثلوا صوت او صدى لهؤلاء الشخصيات انا شايف ان المواطن بيدور على ما يفيده عايز حالة من الاستقرار عايز حالة من الخدمات الصحية عايز يعيش عيشة هادئة فالملف الامني والملف الاقتصادي مهم جدا اما بالنسبة الى طرح الافكار اللي هي على المطلق انا شايف ان تلت ارباع المرشحين في الوقت الحالي بيطرحوا اشياء على المطلق يعن يمفيش تفاصيل التفاصيل يعني هتوظف الشبا ب وهتعمل 2000 هتعملهم ازاي..؟
ياسر رشدي:ماهي الفكرة مرتبطة ان برامج المرشحين تقوم على فكرة معلومات عن مصادر الدخل ومصادر الثروة وبنى عليها برامجه ولا هي مجرد كلام قبل الدعاية
أ.سعد طعيمة: انا وجهة نظري الشخصية انا شفت ان بعض البرامج شئ عبقري جدا يعني ما طرح من حتة الاستثمار في قناة السويس احنا كنا بننادي انه يكون فيه خدمات ملاحية في حتة قناة السويس جميل لو تم الاستثمار وبعض المرشحين قالوا كده في برامجهم في الفيوم مثلا هنهتم بثروة سمكية هنهتم باستثمارات وحاجات خاصة بالسياحة فدي هتفتح افاق وافق واسع جدا بس شريطة انك تقولنا ان البرامج بتاعتك الية التنفيذ هتكون ازاي هي البرامج ما يطرح شئ براق لكن البلد تئن
ياسر رشدي:لكن فيه شئ مهم انه الناس مش هتتحمل انه توعدهم باشياء وتخلي الحياة وردية ثم انك تفاجئ انك ما تقدرش تحققها
أ.سعد طعيمة: هنا المشكلة هيبقى في الوقت الحالي في حالة ترقب شفت كانه هو متربص مع بعضه لابد ان نعترف ان حالة عدم الثقة هي المظلة الكبيرة الموجودة دلوقت في مصر في الوقت الحالي ..اي اخفاق لاي مرشح هيرمي على المؤسسة العسكرية اخطاؤه في الوقت الحالي يعني انا افضل كل واحد يتكلم في برنامجه الخاص ما يرميش اي فشل على المؤسسة العسكرية بس لاني شايف فيه بعض الناس بيزايدوا انت اركن المؤسسة العسكرية خالص لكن انه عندك برامج .. البرامج الاقتصادية هتكون ايه والبرامج الاجتماعية هتكون ايه انت عندك الشعب تقريبا مصاب بفيروس سي والنص التاني مصاب بسرطان فانت عندك بؤرة غير عادية ومريض صحيا واقتصاديا .. وطن يئن والفلوس اللي موجودة في مصر في الوقت الحالي الكل خدها وهرب ومفيش فلوس في اللبلد فانت لازم تقول برنامجك تتكلم بشكل تفصيلي الا تنظر الى المصباح من بعيد لتتدفأ منه ونعمل زي الراجل الهندي اللي قاعد يتدفأ من مصباح على بعد.. الناس دلوقت في حالة ترقب والمواطن اصبح واعي جدا انا اتخيل لو نجح اي مرشح في الوقت الحالي بالبرامج اللي قالها ولم تنفذ انا متخيل ان العواقب هتكون اسوا
ياسر رشدي:تحدثت عن الرعاية الصحية بالاضافة الى انه فيه موضوع تاني معظم المرشحين اجمعوا على ان مسالة الدعم انها بتذهب لغير مستحقيه بتشوف مسالة الدعم في الدورة دي
أ.سعد طعيمة: هو مسالة الدعم بيولد من رحم الملف الاقتصادي لانه مشكلة غير عادية والكل بينظر لها نظرة سطحية انت لما تكون بلد بتشتكي من انابيب غاز ناقصة وبتشتكي من ارتفاع الاسعار بطريقة مخيفة انت وصلت الناس في برامجك البراقة والناس شايفة ان الوضع مش ماشي مع البرامج البراقة دي فاصبح حالة عدم ثقة متواجدة في الشارع انت لازم اول رئيس هييجي لمصر هيقولي انه فيه خطة سداسية خطة رباعية خطة خماسية الكلام دا اصبح مش هيخيل على كمل الناس .. الناس محتاجة انها تاكل وتتعالج وتعيش دا غير ان الدعم ما بيوصلش المقولة اللي بتقول الدعم لغير مستحقيه ..لا ياسيدي اعمل الدعم لكله مش هتقعد تحرم اللي معاه والمواطن بيصرخ زوات قاعد بتقول هدي دا ومش هدي دا والموضوع بسيط جدا الروتين دا برضه مشكلة رهيبة انا مش شايف اي حد من المرشحين اللي ما اتكلمش عن البيروقراطية والروتين وانت عشان تاخد حقك لازم تلهث شهور طويلة .. لازم باقصى سرعة ننظر الى الناس معدومي الدخل فيه ناس معدومي الدخل عما طول النهار بيتكلموا عن محدودي الدخل .. انا عايز اقول ان الرئيس القادم لازم ينظر الى الشريحة المعدومة والهوة اللي موجودة بين الشريحة اللي فوق والشريحة اللي تحت لازم يقلل الهوة دي ايا كان بقى هترتمي في تاحضان تركيا هترتمي في احضان ماليزيا لكن انا من وجهة نظري ان التامين الصحي دا لازم يدخل تحت الملف الاقتصادي لانه انت كتير بيموت على باب المستشفيات حتى تلك اللحظة على فكرة حتى لما بيقولك ثورة .. مفيش حاجة حصلت يعني
ياسر رشدي:رؤية المرشحين لعودة الامن بشكل سريع مين مركز قوي في موضوع الامن داياسر رشدي:
أ.سعد طعيمة: هو فيه بعض المرشحين من ضمنهم الفريق شفيق
ياسر رشدي:لا هو معظم المرشحين كانوا بيتكلموا في الموضوع دا
أ.سعد طعيمة: الا يعول على المؤسسة العسكرية في الناحية الامنية لانها هي كفاية عليها ان تتجه الاتجاه الصحيح ليها اللي هو الوطن وحماية الوطن اما اللي يبدا يكسر قي الشرطة ويقولك هيكلة ..لا.. احنا بنحاول نعالج الامراض عندنا ونحاول نعالجها بشكل الا تحدث بلبلة في البلد
ياسر رشدي:بشكر حضرتك جدا على هذه التفصيلات المختصة بالملف الاقتصادي تحديدا اشكرك شكرا جزيلا الكاتب الصحفي والمحلل السياسي الاستاذ سعد طعيمة .. مشاهدينا الكرام اشكر لحضراتكم حسن المتابعة ابقوا معنا دوما في امان الله .. الى الملتقى