أنا من أشد المعجبين ب"بص وطل" ويا رب من تقدم لتقدم بإذن الله.. مشكلتي إني مش عارفة مشكلتي، أنا حاسة إني اتغيرت مع كل اللي حواليا وخصوصا أصدقائي.. ما بقيتش طايقة سلوكياتهم وأفعالهم، أنا باحلم بمجتمع مثالي مافيهوش كذب ولا نفاق ولا نميمة. ومع الأسف المجتمع الجامعي اللي أنا فيه مليان حاجات مخلياني كرهت كل حاجة.. أنا حاسة إني بدأت أتقوقع على نفسي.. أنا أي نعم بحب النشاطات وباشارك فيها بس بدأت انعزل عن الناس لأني تقريبا كرهت الناس.. أنا في طريقي لحالة من الانطوائية الشديدة، وكله لاحظ ده، بس أنا مش عارفة ألفت انتباههم إن أنا بجد تعبت منهم، وفي نفس الوقت مش عايزاهم يبعدوا عني.. يا ريت ألاقي حل لمشكلتي. marwa