السلام عليكم ورحمة الله.. أنا بنت عمري 21 سنة، الحمد لله ملتزمة، وطول سنين الكلية ماكلّمتش أي شاب، وماكانش ليّ علاقة بأي ولد.. بس في سنة 3 أعجبت بشخص زميلي؛ بس عمري ما حاولت حتى إني أبيّن بسبب إني خجولة جداً، وماحبتش أكبّر الموضوع. أنا كنت حاسّة إن هو كمان معجب بيّ من خلال نظراته ومحاولاته للفت نظري.. هو برضه شخص خجول ومالهوش كلام مع بنات؛ بس هو كان بيبصّ كتير على شلّتنا؛ سواء كنت معاهم أو مش معاهم، وبيعمل مع أصحابي المقرّيبن حركات لفت نظر برضه. ومن فترة فيه رقم اتصل على موبايلي، واللي اتكلم قال إنه بيحبني.. وكان واضح إنه عارفني لأنه كلمني باسمي، وأنا سألته إنت مين؟ مارضيش يقول لي. المهم الصوت قريب إلى حد ما من الشخص بتاع الكلية، وكمان الطريقة في الكلام، وكان واضح إنه شخص خجول أو خايف يتكلم. H.N