السلام عليكم يا جماعة، أرجو الرد عليّ بسرعة لأني باموت.. أنا مرتبطة بواحد ولقيته من غير أي سبب سابني.. أنا حتى ما اعرفش أي ولد في حياتي غيره، وهو عارف كده. إحنا مرطبتين من خمس سنين، وأنا عارفاه من أكتر من 12 سنة، وكان هيخطبني قريب، وبنحب بعض جداً؛ بس مش عارفة إيه اللي حصل. أنا أصحابي بيقولوا لي انسي، ده طلع مش كويس.. وأنا مش مصدقة، وباقول مستحيل يبقى فيه حد تاني غيره، خلاص ما فيش حد تاني غيره؛ لدرجة إنهم شكّوا أن يكون فيه حاجة حصلت بيننا؛ بس طبعاً ما فيش أي حاجة عشان أنا باخاف ربنا، وغير كده هاكسر نفسي وقيمتي هتتقلّ قدامه. المهم.. أنا متأكدة إنه هيرجع يتأسف؛ بس أنا كرامتي واجعاني أوي وفي نفس الوقت ما اقدرش أسغنى عنه.. من الآخر عايزة أربّيه عشان ما يعملش كده تاني. أرجو الردّ بسرعة لأني في حالة ما يعلم بيها إلا ربنا، ولكم جزيل الشكر.