الحلم: السلام عليكم.. بصراحة أنا حلمت حلم هو مش مخوفني أوي، بس المشكلة إنه بيتكرر كذا مرة، ولكن الأسلوب بيختلف. أنا حلمت إني باموت وفي كل مرة طريقة الموت بتختلف عن التانية؛ بس من يومين كده حسيت بحاجة غريبة بالرغم من إني عارف إن لكل أجل كتاب، ولكن أنا من يومين كنت نايم متضايق شوية من موضوع معين، وفي نفس اليوم ده بالليل وقت صلاة الفجر صحيت فجأة بس مش عشان أصلي؛ وإنما حسيت إني باموت فعلاً، وكانت روحي رايحة مني، وشعرت إن ملك الموت يقف أمامي وصدقني والله مش بألّف؛ بس هي دي الحقيقة ووقتها كنت عاوز أقول الشهادة أو أنادي على حد من اللي معايا في الشقة، بس مش قادر وحاسس إن لساني متلجم وربنا ألهمني ونطقت الشهادة، بس مع الأسف رجعت نمت تاني وما صلتش الفجر بس كنت بارتعش من هول ما شعرت، فبالله عليكم لو هناك تفسير ديني لما رأيت أرجو الإفادة. قد يكون الحلم بالموت إشارة إلى تقصيرك في بعض أمور الطاعة والعبادة، وأحياناً هو بشارة بالشفاء لمن كان مريضاً، أو هو بشارة بردّ الودائع إن كنت صاحب ديْن، وأحياناً هو من تلاعب الشيطان بك لشغلك وإيذائك نفسياً؛ فعليك بأذكار النوم والاستعاذة.