أعدّها لكم: نيرة أحمد النهارده هنعمل مع بعض باناكوتا، جربيها معانا وابعتي قولي لنا على رأيك. باناكوتا المقادير: كوب كريمة خفق 2 ملعقة كبيرة بودرة جيلاتين 3 ملعقة كبيرة سكر 3 ملعقة كبيرة ميه كوب لبن فانيليا ملحوظة: للتزيين ممكن تستخدمي مربى التوت أو الفراولة. الطريقة: 1- سخني اللبن على النار وضيفي عليه الكريمة والسكر والفانيليا لحد ما السكر يذوب تماما. 2- ادهني طبق غويط بمية الورد، وبعدين ضيفي عليها الجيلاتين، وبعدين ارفعي خليط اللبن من على النار وصبيه على الجيلاتين تدريجيا لحد ما يذوب. 3- صبي الخليط في قوالب مدهونة بنسبة بسيطة من الزيت وسيبيهم يبردوا لمدة 3 ساعات، وبعدين اقلبيها في أكواب (أو أطباق)، وزينيها بالمربى وقدميها.. وبالهنا والشفا.
خلصت وصفتنا النهارده.. استنونا كل يوم مع وصفات جديدة.. سلام،،