شمس صبحك جات يا بلدي = بعد غربه وليل طويل
اغزلي من نورها توبك = يبقي غنوه لكل جيل
فكي كل قيود ضلامك = حمل باطل كان تقيل
افردي ضحكة طموحك = ضي شمعه بميت فتيل
خلي ابنك يبقي صاحي = شهيد بلاده ما راح قتيل
خلي إيده في إيد أخوه = يبني حب (...)
ميدان حريه ميدان تحرير = هبَّ الشعب عمل تغيير
حطم كل قيود الباطل = دمَّرعهد لظلم مرير
كنا نشوف الكدب مجسم = صوره شخابيط زى الأساطير
كان الحلم معانا متكتف = بجناح مكسور إزاى هيطير؟!
مهما شكينا ومهما بكينا = حتى اللحمه جابوها حمير
حتى القمح جابوه (...)
حلم الوطن
زى الهلال
من قلب الضلام انفلق
حلم الوطن لسا جنين
مجروح بيصرخ
م الولاده وفيه أنين
حلم الوطن
يا دوب بيفتَّح عينيه
ماشى فوق رصيف القلق
تايه فى السكك
بين دروب الغدارين
لابسين ميت قناع
وألف وش
خانوا الشرف باعوا الضمير
خلوا النزاهه (...)