فلان: تعرف يا أخي أنا اكتشفت ان أمريكا دمها خفيف علان: إيه بتعرف تقول نكتة فلان: لا هي نفسها نكتة.. بس قديمة علان: ليه بقي فلان: ركبها ألف عفريت لما قررت مصر تفتش في فلوس جمعيات حقوق الإنسان والذي منه علان: جايز يكون عشم زايد ما هو صاحبنا كان شغال لحسابهم فلان: لكن أصحاب الجمعيات زعلانين..؟ علان: علي الفلوس؟.. ولا علي أمريكا؟ ولا كرامة بلدهم؟ فلان: لا علي حقوق الإنسان.. وحقوق عين شمس علان: لكن الجمعيات دي بتلعب دور لهم في معارضة الحكومة وحماية السياسيين فلان: وماله تلعب.. بس في النور علان: وإذا الحكومة قطعت عليهم المية والنور فلان: يشتغلوا "بالبطارية"؟ علان: ما تخليك صريح وتقول الفلوس لابد منها للجمعيات فلان: وفيها إيه.. بس تفتكر أمريكا بتدفع الدولارات لوجه الله والوطن علان: لأ طبعا عشان مولانا "الديمقراطي".. ومدد يا حرية مدد!!