عبر المطرب الشعبى شعبان الرحيم عن مخاوفة من المرحلة التى تمر بها مصر حاليا واصفا اياها بانها مرحلة (ملهاش معالم )وذكر شعبان صاحب اشهر أغنية عن إسرائيل فى تصريح (للمصريون)ان البلد شكلها اتغير ومصر بقت حد تانى غير اللى احنا عارفنها من زمان الشباب كل يوم يطلع بحاجة شكل ومليونية شكل ولا حاسيين بابو عيال (بيطفح الكوتة)علشان كام جنية اخر اليوم ولا باى حد .دا حتى المثل بيقول اللى مالوش كبير يشتري لة كبير لكن الشباب دول فاكرين نفسهم اكبر من اى حد فى البلد.مضيفا :انا حالى واقف بقالة كذا شهر لا عارف اشتغل ولا أجيب (لقمة) للعيال مفيش حد بيتجوز ولا حد بيعمل حفلات الناس ملقهاش نفس لأى حاجة ياريت شباب التخرير يهدوا شوية لأن (مرارة الناس اتفقع) فى الاول قالة عاوزين وزارة من التحرير واختاروا عصام شرف رئيس للحكومة وبعد كام شهر قالوا عاوزين نمشية ونجيب البرادعى رئيس للحكومة واللى ميخترهوش التحرير مبيبقاش شرعى خلاص بقى نغير عاصمة من القاهرة للتحرير الناس فاض بيها ومش عارفين اخر الدلع دة اية. وأشار أن الدكتور الجنزورى راجل زى الفل وسمعتة زى البرلانت اية اللى مش عاجبهم فية علشان كبير فى السن ؟يعنى البرادعى هو اللى لسة (نغة). وعن انتخابات مجلس الشعب اشار ان الانتخابات كانت زى الفل مفيش تزوير ولا صناديق بتتغير انا فاكر لما كان بطرس غالى فى الدايرة عندى كان بيفرق وظايف وفلوس علشان الناس تنتخبة ورغم ان الناس عارفة ان الانتخابات هاتتزورلة كانت بتروح تمسح جوخ علشا وظيفة وبجد الناس معزورة كانت غلابة واضاف :انا سامع ان الاخوان والسلفيين هايمنعوا الغنا يعنى افتح محل المكوى من تانى ؟ أنا عارف أن الإخوان بتوع ربنا علشان بحلفهم برنا انهم يخفوا علينا شويا لاننا أصحاب عيال والغنا صنعتى وانا مبغنيش حاجة عيب او حرام ولا بغنى ومعايا راقصة وكلامى لمصلحة الناس .وأشار أن المشير طنطاوى ربنا يكون فى عونة مش عارف هيلاقيها من مين ولا مين من التحرير ولا من أمريكا وإسرائيل والله الراجل دة محترم خايف على الشعب ومحدش شاف منة حاجة غلط علشان كدة عملت أغنية بتقول تحرير وعباسية وكلام وفوضى كتير..الله يكون فى عونك ياسيادة المشير خلاص بقى التحرير احزاب على ائتلافات..وكأن مفيش حكومة وخلاص الشعب مات عايزين البلد تخرب ودا كلة طيش..حبة يدمروا فى الشرطة وحبة يدمروا فى الجيش عايزين تكرهونا فى ميدان التحرير لية..لو فى حد مقبضكم الشعب ذنبة اية بتشكل لية حكومة وازاى وبصفتك اية..انا مصرى وانت مصرى بتحجب على رايى لية 25يناير ثورتنا كلنا..لا احزاب ولا ائتلافات يخطفها مننا واشار :الاغنية دى بتعبر عن معظم الشعب اللى رافض ان ميدان التحرير يتحكم فينا انا عمرى مانزلت العباسية ولا اعرف حد فيهم وفى الاول والاخر اللى فى التحرير مصريين واللى فى العباسية مصريين ونفسى اشوف البلد كويسة بجد الناس زهقت وحرام على اللى عاوز يخربها