كشف الفنان أحمد حاتم كواليس مسلسل عمر أفندي الذي عرض على إحدى المنصات الرقمية خلال الفترة الماضية. وقال في لقائه مع الإعلامي معتز الدمرداش في برنامج ضيفي مع معتز:«المسلسل ده كان فيلم في البداية، واشتغلت عليه مع مؤلف العمل». وتابع: «حاولنا نقدمه كفيلم ولكن معرفناش نعمله، وتركت المشروع بعد المجهود اللي بذلته عشان يطلع فيلم ومحدش تحمس له في النهاية». وأوضح: «مضى وقت وجالي عبدالرحمن أبوغزالة مخرج المسلسل وقال لي أنا عارف أن كان عندك فيلم بس دلوقتي إحنا هنعمله مسلسل، وكنت حاسس وقتها أني هعتذر عن العمل». واستطرد: «تحمست بعد كلامي معاه، وبدأنا نشتغل عليه كمسلسل، ومنتج المسلسل كان له دور كبير في ظهور العمل بهذه الصورة». وأردف: «عمر أفندي مشروع مش سهل وكنت حافظه جدا لأني اشتغلت عليه كفيلم في البداية، والمسلسل ظهر فيه تفاصيل أكتر».