علق الرئيس عبدالفتاح السيسي، على قائمة أكبر المنتجات التي تم استيرادها منذ عام 2014 وحتى عام 2023، قائلًا: «عند النظر إلى البند رقم 16 في الجدول المعروض أمامكم يتبين استيراد عطور ومزيلات عرق وماء توايلت، ب440 مليون دولار». وأضاف الرئيس السيسي، خلال افتتاح عدد من المشروعات التنموية من محطة بشتيل الجديدة، اليوم السبت: «أنه تم استيراد مستحضرات تجميل ب500 مليون تقريبا، وحقائب يد ب200 مليون، وشيكولاتة ب400 مليون، حتى السيراميك ب235 مليون، وتلوموني وتقلولي الدولار غلي ليه». وأوضح السيسي: «مابقولش أننا نقفل البلد علشان الناس ماتفهمش غلط، ورق الفويل ب500 مليون؟!، ورق الفويل مابنعملوش؟، الجبنة بمليار و200» وأضاف متسائلًا: «مش عارفين نعمل مصانع ننتج الحاجات اللي الناس عايزاها»، متابعا: «بقول الكلام ده علشان تعرفوا أن الحلول معانا احنا مش قصدي أنا ولا كامل الوزير أقصد معنا نحن ك«مصريين» ورجال أعمال. وذكر الرئيس السيسي أن ما تم عرضه هو عبارة عن فرصة عمل للمصريين لإنتاج هذه المنتجات لمصر، وبيعها وإتاحة فرص عمل وأن يكون هناك ناتج محلي، وقد يكون بها بعض ضرائب للدولة، متابعًا: «يا ترى دة اسلم ولا أجيبها من برة؟».