انتقد الإعلامي إبراهيم سعيد، اختيارات حسام حسن المدير الفني لمنتخب مصر، وعدم ضم عمر جابر نجم الزمالك في مركز الظهير الأيمن. وكان حسام حسن، قد صرح في المؤتمر الصحفي لمباراة مصر وموريتانيا، أن محمد هاني نجم النادي الأهلي أفضل ظهير أيمن في مصر. وقال إبراهيم سعيد في تصريحات تليفزيونية عبر شاشة «النهار»: «شيء كويس أنك تدعم محمد هاني بس الراجل دلوقتي مصاب، نلغي مركز الظهير الأيمن ولا نعمل أية مش فاهم؟». وأضاف: «مش هتعرف تعتمد على أحمد عيد عشان لسه قدامه شوية، ولكن عندك عمر جابر وعمر كمال عبدالواحد كانوا هيبقوا إضافة للمنتخب ولعيبه عندها خبرات، مش عشان لعيب مصاب يبقى المركز وقف». وأكمل: «مفروض تفصل المشاكل الشخصية أفصل بين الأمرين، أفصل الحب والكره، وبالمناسبة على المستوى اللي شوفناه النهاردة من أحمد عيد مش هينفع يكمل كظهير أيمن أساسي الفترة اللي جاية». وأردف: «الناس عايزة تشوف كورة سيبك من الكلام بتاع الشكر، الجمهور مش بيتثبت الناس حابة تشوف تاريخ منتخب مصر من تاني». وأتم إبراهيم سعيد تصريحاته قائلًا: «أكسب الجمهور بشغلك وبأداءك، والكلام والشعارات بتاعت الشكر مش هينفع مع الجمهور، وكل المدربين اللي مسكوا منتخب مصر قالوا الكلمتين دول».