انتقد رضا العزب، لاعب الزمالك السابق، اختيارات حسام حسن المدير الفني لمنتخب مصر ل قائمة معسكر المنتخب الوطني لمباراتي كاب فيردي وبوتسوانا ضمن تصفيات كأس الأمم الإفريقية 2025. وقال رضا العزب، في تصريحات تليفزيونية عبر شاشة «النهار»: «حسام حسن لم يوجد حلول في مركز الظهير الأيمن والأيسر، كان قدامه عمر كمال عبد الواحد قدم موسم جيد من النادي الأهلي وبيلعب ظهير أيمن وأيسر وسجل 6 أهداف». وأضاف: «مشكلة كابتن حسام حسن أنه بيحسب الموضوع حب وكره، وخده المعسكر اللي قبل ده عشان خاطر الجماهير ولكن هو مش عايزه، مفروض عمر كمال يلعب مكان هاني، وزيزو أفضل الخيارات الآن في المنتخب في مركز الظهير الأيمن». وأكمل: «حسام حسن لما كان مدرب المصري البورسعيدي، كان بيطالب أن عمر كمال لازم يروح منتخب مصر عشان هو أحسن لاعب في النادي البورسعيدي، وحابب أقوله أنت مش ماسك نادي إنت ماسك منتخب مصر». وأردف نجم الزمالك السابق: «مفروض لو في لعيب بكرهه ولكن هيكسبني في المباريات لازم أخده، عمر كمال مفروض تاخده وإنت مغمض، ومباراة كاب فيردي خير دليل».
