كشف الإعلامي أحمد شوبير عن تفاصيل أزمة كبيرة تنتظر الفريق الكروي الأول بالنادي الأهلي حال إقامة بطولة الدوري في الموسم الجديد بشكلها الحالي القديم. وقال أحمد شوبير في تصريحات إذاعية اليوم الإثنين: «الأهلي عنده 14 مباراة في بطولة الدوري ومباراة سوبر أفريقي ومباراتين في السوبر المصري في الإمارات و14 مباراة في دوري أبطال أفريقيا لو وصل للمباراة النهائية وقول مباراتين في كأس الإنتر كونتيننتال و3 مباريات على الأقل في كأس العالم للأندية، ده غير كأس مصر وبطولة الرابطة ومشاركات لاعبيه الدوليين في منتخب مصر». اقرأ أيضًا: «هتلعب غصب عنك».. شوبير يوجه رسالة نارية لمسؤولي بيراميدز وأوضح شوبير: «يعني الأهلي داخل في فوق ال 60 مباراة على الأقل في الموسم ومفيش فريق في العالم بيلعب الكم ده من المباريات، فالأهلي عنده متوسط مباريات كثير جدا في الموسم الجديد». وتابع شوبير: «فيه دوشة كبيرة جدا، عشان كده لازم نظام الدوري يتحط بشكل كويس نقدر نبني عليه، وكل سنة نقول موسم استثنائي نقوم نأجله شوية يا حضرات نشتغل ولا منشتغلش عرفونا، مش عايزين وجع دماغ ووجع قلب عشان الموضوع يمشي بشكل كويس». وأضاف شوبير: «وبعدين تيجي الأندية تقول دوري بنفس النظام القديم وبعدها يرجعوا يقولوا بتجامل الأهلي ويرجع الدوري يخلص في نص أغسطس وده مينفعش أبدا الحقيقة».