أعلن مطرب المهرجانات مسلم عن فسخ تعاقده مع المنتج سلطان الشن، موضحا أنه كان يتمنى هذه اللحظة منذ سنوات. وخرج مسلم في مقطع فيديو نشره عبر حسابه الرسمي على «إنستجرام» وعلق قائلًا: «النهاردة أكتر يوم أنا مبسوط فيه في حياتي وعمري ما هنساه، يوم رحمة من ذل وتعب وإرهاق وسنين معافرة». مسلم يعلن فسخ تعاقده مع المنتج سلطان الشن وأضاف: «النهاردة تم فسخ العقد بيني وبين المنتج المحترم سلطان الشن، الحمد لله بشكر ربنا وبحمده على كل حاجة، أنا كان نفسي الحاجات دي تخلص بدون مشاكل بس أنا استنيت قانون بلدي وربنا نصرني والحمد لله مشيت مرضي». وأوضح: «مش عايز حاجة غير إني أبقى في حالي وأشتغل، نفسي أكبر ويبقى عندي أمل أعمل حاجة لكن الموضوع ده كان معطلني وضاغط على نفسيتي، وبعد كده مفيش قفل أغاني تاني ولا أي حاجة وحشة بتحصل لي». أشار: «فيه حاجات كتير حلوة جاية وأغاني كتير بتتعمل جديدة ودويتوهات حلوة كتير.. أنا كنت نادر ندر أن لو ده حصل هدبح 3 عجول، إن شاء الله يومين وهدبحهم وكل اللي محتاج حاجة يكلمني، وأي أخت نفسها تفرح وأجليها الفرح تكلمني». مسلم يطلب الدعاء ل عصام صاصا كما طالب مسلم جمهوره بالدعاء لمطرب المهرجانات عصام صاصا بعد الحكم بحبسه 6 أشهر: «متنسوش دعواتكم الحلوة لأخونا عصام صاصا ربنا يخرجه بالسلامة وإن شاء الله يرجع لأهل بيته». عرض هذا المنشور على Instagram تمت مشاركة منشور بواسطة M̶ U̶ S̶ L̶ I̶ M̶- مسلم (@muslimoffcial)
