كشفت الفنانة يسرا، لأول مرة أنها شاركت في 25 فيلمًا خلال 4 أعوام، ولكن لم يُعرض أي منهم للجمهور في السينما أو التلفزيون وقتها . يسرا: عملت 25 فيلم في 4 سنين ومتعرضوش وقالت يسرا، خلال لقائها في برنامج «بيت السعد»:«عملت 25 فيلم في 4 سنين ومنزلوش، وكانوا بيسموني النجمة المعلبة، أول ما بدأت أول سنة ليا عملت 6 أفلام، وتاني سنة 5 أفلام لكن منزلوش وقتها، ولما اتعرضوا بعد فترة كبيرة كلهم فشلوا». يسرا تكشف كواليس بداياتها الفنية:«حضرت مونتاج فيلم الكرنك» وأضافت يسرا :«بداياتي كانت صعبة جدًا لأن كان فيه نجلاء فتحي وميرفت أمين ومديحة كامل وقبلهم سعاد حسني». وتابعت:«عشان أثبت نفسي في وسط دول كانت مهمة صعبة أوي، فأنا حضرت مونتاج فيلم الكرنك عشان اتعلم يعني إيه راكور». وأوضحت:«أروح معهد السينما عشان اتعلم أبقى موديل ويصوروني، ويعملوا مشاريع التخرج وأبقى بطلتها، كنت حابة إني أكون موجودة وكنت بقلد كل الناس وأنا صغيرة». اقرأ ايضًا يسرا تكشف سبب قسوة والدها عليها في طفولتها...ماذا قالت؟ (فيديو)