كشفت الفنانة يسرا كواليس قسوة والدها عليها في طفولتها. وقالت في برنامج بيت السعد:«أنا كنت بكرية العائلة وأول فرحة، فجدتي لو ماما زعلتني يبقى يومها مش فايت، كنت بنام جنب جدتي كل يوم». وتابعت يسرا :«كنا أغنياء ولكن ملحقتش أشوف الثراء اللي هما شافوا لأن عائلتي تم تأميمها وأنا طفلة، وفاكرة أن البيت كله كان سيدات فكان لازم يشتغلوا». وأوضحت يسرا :«بابا طلق ماما من قبل ما اتولد وأنا فاكرة إني أول مرة شوفته وأنا عمري 5 سنين، فأنا عشت وسط والدتي وجدتي». واستطردت:«عشت معاه من سن 14 ل 21 سنة، وعشت معاه غصب عني، ومكنتش عايزة أعيش معاه وطفولتي كانت حلوة أوي من أول سن 14 مكنتش لطيفة». View this post on Instagram A post shared by MBC1 (@mbc1) يسرا تكشف كواليس بداياتها الفنية:«حضرت مونتاج فيلم الكرنك» كشفت الفنانة يسرا كواليس مشوارها الفني حيث أكدت أن بداياتها كانت صعبة جدًا. وقالت في لقائها مع برنامج بيت السعد:«بداياتي كانت صعبة جدًا لأن كان فيه نجلاء فتحي وميرفت أمين ومديحة كامل وقبلهم سعاد حسني». وتابعت:«عشان أثبت نفسي في وسط دول كانت مهمة صعبة أوي، فأنا حضرت مونتاج فيلم الكرنك عشان اتعلم يعني إيه راكور». وأوضحت:«أروح معهد السينما عشان اتعلم أبقى موديل ويصوروني، ويعملوا مشاريع التخرج وأبقى بطلتها، كنت حابة إني أكون موجودة وكنت بقلد كل الناس وأنا صغيرة».