أشاد أحمد حسام "ميدو"، نجم الزمالك السابق، باللاعب محمود عبد الرازق "شيكابالا"، قائد الفريق الأول لكرة القدم بنادي الزمالك. وقال "ميدو"، في تصريحات تلفزيونية: "شيكابالا، أسطورة، أسطورة جوه مصر وجوه نادي الزمالك، لأنه لعيب مر بمطبات صعبة جدًا، كان أي حد مكانه ممكن يقع ويبطل". وأضاف: "لاعب يفضل يلعب حتى 37 سنة ويبقى من أفضل اللعيبة في مصر ويفضل يقاتل في الملعب، يعتبر أسطورة.. الأسطورة مش أرقام وبطولات بس، الأسطورة تاريخ بتصنعه جوه النادي". وواصل: "شيكابالا، قوته وعظمته داخل نادي الزمالك، مش البطولات اللي خدها بس، ولكن بتأثيره على الجيل الصغير اللي طالع، شيكابالا، هو اللي متبني كل اللعيبة الصغيرة في النادي".