أكد حسام حسن، نجم الأهلي والزمالك السابق، أنه مع عودة رمضان صبحي، جناح الفريق الأول لكرة القدم بنادي بيراميدز إلى صفوف القلعة الحمراء من الجديد. وقال حسام حسن، في تصريحات تليفزيونية عبر برنامج «اللعيب» المذاع عبر فضائية «ام بي سي مصر»: «رمضان صبحي يرجع الأهلي ميرجعش ليه، رغم إنه أخطأ وهو سنه صغير والناس الكبار اللي حواليه اللي كانوا مفروض يوجهوه وجهوه غلط وانا مش هقول أسامي». وأضاف: «رمضان صبحي، لو راح بيراميدز عشان الفلوس هي موجودة في الأهلي»، مضيفًا: «في النادي الأهلي كان لازم يحتوا اللاعب ويقربوا وجهات النظر ويعرفوا إنه سنه صغير». وأردف: «مع احترامي الشديد للكابتن إكرامي، كان لازم يفيد اللاعب ويقوله لا هنا مستقبلك وهنا جمهورك والفلوس مش فرق كبير»، مضيفًا: «رمضان صبحي، سيكون إضافة كبيرة للأهلي، حال عودته للفريق».