قال هادى خشبة نجم الاهلى ومنتخب مصر الأسبق ، أن إدارة نادى بيراميدز أخطأت في التعاقد مع ثلاثى الاهلى شريف اكرامى ورمضان صبحى وأحمد فتحى . وقال هادى خشبة الذى حل ضيفاً على برنامج النجوم فى رمضان مع الاذاعية نجلاء حلمى والناقد الرياضى محمد عراقى عبر أثير إذاعة الشباب والرياضة:"أعتقد أن تعاقد بيراميدز مع ثلاثى الاهلى كان بناء على دراسة غير منطقية وغير محسوبة ولا تنم على إناس تفهم في الكرة". هنموت نفسنا|أول تعليق من رمضان صبحي على مجموعة مصر في أولمبياد طوكيو أحمد بلال عن عودة رمضان صبحي : اللي بيمشي من الأهلي مبيرجعشي تاني واصاف هادى خشبة :"أحمد فتحى لاعب كبير وله قيمته ولكن في الفترة الأخيرة لم يكن لاعبا أساسيا في الاهلى ويلعب محمد هانى بدلا منه ، ومكنش في حالته البدنية المميزة وإصابته متكررة ، ولكنه يظل إسم كبير لكن على أرض الواقع كانوا يظنون في بيراميدز أنه هيشيل الفرقة ولم يحدث ودخل في صدام مع المدرب". وأكمل نجم الاهلى الأسبق : " رمضان صبحى صغير في السن واتعرض عليه الاهلى وقارن بينه وبين وبيراميدز واختار الأخير وكان لازم كفة الاهلى تكسب ، والجمهور هيفضل مضايق منه وعامل عليه ضغط ، يبقى إدارة بيراميدز تتعاقد ازاى مع لاعب سنه صغير وعليه كل الضغوط دى وكمان تديله فلوس أكبر من زمايله وتعمل مشكلة في الفرقة" وأضاف هادى خشبة :" اما شريف إكرامى فبيراميدز اتعاقد معاه رغم انه عنده حراس مميزين زى المهدى سليمان وأحمد الشناوى ودعدور وقعدهم على الدكة وخسرهم زى ماخسر رجب بكار اللاعب المميز اللى كان شايل الفرقة إذن بيراميدز عمل أخطاء إدارية عصفت بمسيرة الفريق" وتابع هادى خشبة :"بيراميدز انفق مبالغ طائلة ولم يحقق أي مكاسب تفوق المواسم السابقة ، وأخطاؤه رفعت الحرج عن إدارة الاهلى ، لان الاهلى لايضحى بأبنائه ولكن طالما جت منهم يبقى ماشى " وأكمل :" بيراميدز في وقتى كان في حسام البدرى وأحمد حسن وناس بتفهم كورة ورموز اللاعيبة تخاف منها ومستحيل يحصل تجاوز إنما دلوقتى الوضع اختلف".
