انا اتخطبت لواحد متجوز واكبرمني وحصلت معايا مشاكل كتتتير ....اعمل ايه انا مشكلتى صعبه جدااا بمتفرعه اوى بس انا هبتدى من الاول انا عندى 27 سنه حبيت واحد كان متجوز ومخلف اكبر منى ب4 سنين انا كان لما حبيته حبيته لمجرد الحب مكنتش عايزه جواز لان كان عندى عقده كبيره اوى منه لان بابا وماما منفصلين من وانا عندى 3 سنين والعادى بقى بتاع المنفصلين كل واحد شاف نفسه ونسى ان فى طفله بينهم عند بقى ومشاكل وكل واحد حاسس انى بحب التانى اكتر منه وكده كتير فا طبعا مفيش اهتمام مفيش رعايه مفيش خوف الحاجات بتاعت الابهات والامهات الى بشوفها فى التلفزيون بس فاكبرت شويه واشتغلت وقعدت فتره مع جدتى مامت امى كانت تعبانه وكانو عايزين حد يقعد معاها فقعد انا معاها وفى الشغل ده عرفت خطيبى ادانى كل الاهتمام والحب والخوف عليه حبيته ومكنتش منتظره جواز لانه متجوز وكده المهم بقينا نبعد ورجع كتير فى الاخر اتفقنا على الجواز وهو بصراحه مكنش ناوى ينفصل عن مراته بس مشاكلهم زادت جداااااااا ونفصلو وقبل مايتم الانفصال بشهرين ساب البيت وراح عند مامته فى الفتره دى بابا طلب يشوفه لانى طبعا قولتلهم وكانو معترضين كل العيله ماعادا بابا كله مكنش موافق عليه لظروفه مش لشخصه يعنى المهم قابل بابا وقرو الفاتحه هو طبعا مكنش لسه انفصل كان كويس جدااااااااااا كل حاجه في كنت بحبها بس كان فى حاجه مكنتش بحبها بس كنت بالتمسله العذر فيها كنت لما اعمل حاجه غلط يتعصب بشكل فظيع واهانه وجرح كرامه كبييير بس كنت بسمع ومردش وكنت بقول لنفسى لما يلاقنى محترمه مبردش وكده هو هياخد باله من كلامه بعد كده ويبقى احسن لاقيته بالعكس بيزيد بيزيد من جوايا مبقتش مستحمله بقيت ارد عليه خرجت من صمتى زى ما بيقولو بقى انسان مستفز ماشى على رجلين ولما كنت اعاتبه يقولى من خوفى عليكى مبقيناش نعرف نتكلم مع بعض فقدنا احترامنا وانا بعد ما كنت هاديه جداااااا بقيت عصبيه اووووووووووووووووى مبستحملش كلمه منه وصلنا لمرحله صعبه اوووووووووى مفيش تفاهم بينا فى دايما سوء ظن عالى اوى وهو كمان لو انا قولت كلمه ولسه مكملتش يمسك فى الكلمه ويقلبها انى قصدى حاجه وحشه طب انت لسه مسمعتش بقيت الكلام اسمع الاقول يقول لا انا فهمت خلاص متحاوليش تجملى الكلام ببقى هتجنن على طول مستخف بكلامى وبمشاعرى والى فيه يجيبوا فيه وقفت معاه 6سنين من عمرى كنت بزاللو اي مشكله ممكن يقابلها مع اهلى ومنعاهم يتكلمو معاه فحاجه علشان خايفه على احساسه هو بيقول انى معملتش علشانه بربع جنيه وهو جاب شقه وبيجهزها وهو الى تعب فكل حاجه نسى كل حاجه عملتها علشانه 6 سنين صراع مع اهلى علشانه علشان يعمل الشقه ويجهزها علشان يصبرو عليه وهو عايز يجيب كل حاجه على اكمل وجه ماشى بس ده لو فى فلوس اصلا حاولت اقوله مش لازم نجيب احسن حاجه انا راضيه بالاقل من كده المهم انت متضغطش على نفسك يقولى انتى عايزه تخلصى وتتجوزى وخلاص بياخد الحاجه بنيه وحشه اوووى ويقولى انتى الى نيتك مش حلوه حاجه صعبه يعنى ومبقاش فى اهتمام ولا تقدير ولا احترام لا ليه ولا لاهلى ووصلنى لدرجه بقى انه خلاص انت متنفعش كل حاجه بايزه بينا وانا بقيت فظيعه متعصبه طول الوقت متعصبه عليه وهو بقى هااااااااااااااااااااااااااااادى وباااااااااااااااااااااارد ومش فارق معاه حاجه وكل مابلاقيه كده بتعصب زياده وبقول كلام مينفعش يتقال لحد هيبقى جوزى المفروض بيطلعنى عن شعورى بجد لدرجه انه وهو بيتصل لما اشوف اسمه يفضل قلبى يدق بسرعه جدا كانى كنت بجرى بقالى سنه وفوران قدماغى ومش عارفه اتنفس اخر حاجه انهارده قولتله مش عايزاك وعلى راى مى عز الدين انت يادوب تتنسى وهو هادى اقوله عايزه حد يهتم بيا ويحس بيا يقولى دورى على الى يريحك رد مستفز هيتر عليه بايه غير والله لاهدور حد يقولى اعمل ايه مع واحد زى ده واسفه طولت عليكو
