تحدث مرتضى منصور عن تجاوزات بعض الجماهير من الأهلي ضد محمود عبد الرازق شيكابالا لاعب الزمالك. قال مرتضى في فيديو عبر حسابه الرسمي: "بشكر لاعيبة الزمالك المحترمين اللي ادوا درس في العزيمة والإصرار، وسط كل الظروف الصعبة من الهاربين عن القمة واللاعبين المصابين، وعبد الغني كان بيلعب وهو واخد حقنة والونش مصاب" أضاف: "الحكم ده جه عن طريق رابطة الأندية اللي رئيسها أحمد دياب، ولينا ضربة جزاء صحيحة واعترف أخيرا الشناوي بيها وبقول سمير عثمان لو متعدلتش هنعدلك" وتابع: "الجمهور كان ملتزم ومتحضر بعيدا عن سيد عبد الحفيظ المتعصب، وهديتي للاعيبة عضوية عاملة بنادي الزمالك وكلكم هتبقوا أعضاء في النادي" وواصل: "الولد اللي شغال مع الخطيب عمرو محمد اللي من ماتش السوبر في الإمارات وهو بيشتم لازم يتربى، ومحدش من مجلس الأهلي اعتذر عن التجاوز اللي حصل وهنعمل بلاغ للنائب العام وبلغت اجهزة الدولة كلها بتجاوز هذا الشخص" تابع: "اللاعبين الناشئين كانوا مميزين في القمة وبقول كل انسان هرب من الماتش ده الجندي الشجاع مش بيهرب ، وشيكابالا كان مصاب قبل الماتش وكان بيحارب عشان يلعب الماتش" وختم حديثه قائلا: "وبالنسبة لاعتراض زيزو او بن شرقي دي رؤية الجهاز الفني وبنحاسب فيريرا اخر الموسم وسايبينه يشتغل براحته"