بالفيديو..مرتضى منصور: مجدى عبد الغني بدأ الإستهبال..والاهلى حسم الدورى ده "وهم"

اعرب مرتضى منصور رئيس الزمالك عن سعادته بعد فوز فريقه على بتروجت بهدف.. وبارك لجمهور الزمالك على الثلاث نقاط، وقال" بتروجت اتغلب ماتش واحد قبل الزمالك فريق قوى، وزمالك الشوط الأول غير الثاني ، وتغييرات محمد حلمى فرقت في المباراة كما ان فرص كتير ضاعت الشوط الثاني".
وتابع منصور ".. مجدى عبد الغنى بدأ مرحلة الاستهبال بتاع الاستبدال، قبل البطولة اتفقنا على لوائح لازم تطبقها كل الأندية ، ووافقت على عدم وجود الاستبدال والقائمة تكون 30 لاعب بدل 25 ".
واضاف: "سعيد بأداء الحكام دلوقتي سواء أمام الأهلي امبارح أو الزمالك النهاردة، كل اللاعيبه القديمة باسم مرسى وغيره مرتضى منصور اللي جايبهم مش حد تاني، وانا سعيد بالفريق النهاردة لو كان محمد حلمى اتغلب كان الكل هاجمني لكن لما ينكسب بيقولوا عبقرية المدرب وده مش بيفرق معايا".
الدوري لما يحسم للأهلي ده كلام وهمي، وبقول لعامر حسين ازاي الأهلي لعب امبارح وهيلعب الاحد واحنا عندنا ماتش النهارده وهنلعب السبت.
هسافر برج العرب لحضور مباراة الاتحاد، بعد ما شوفت أداء الحكام الرائع دلوقتي معنديش مشكلة حكم مصري يدير القمة
أنا مدى مهلة 3 أيام للاعيبه اللي عقودها هتخلص اللي مش هيمضي مع السلامة كانت أسبوع فاضل 3 ايام.
شاهد..مرتضى يهاجم عبد الغنى ويمهل لاعبى الزمالك مهلة 3 ايام للتجديد