كشف الفنان اللبناني وائل جسار أنه اعتذر عن عدم المشاركة في مهرجان الموسيقى العربية، بعدما كان من المقرر أن يحيي حفلا يوم 12 أكتوبر، وذلك بسبب الوضع في لبنان. اقرأ أيضا - «بيكسّبوا أكتر واحدة فاشلة».. جوري بكر تهاجم مسابقات ملكات الجمال وتطالب بإلغائها وقال وائل جسار خلال مداخلة هاتفية مع برنامج "حديث القاهرة" من تقديم كريمة عوض عبر قناة "القاهرة والناس": "بالنسبة لمهرجان الموسيقى العربية إمبارح كلموني اعتذرت عن المهرجان مع إن كان ليا الشرف إني أكون في مهرجان الموسيقى العربية". وأضاف: "في كتير من الفنانين يتمنوا أنهم يشاركوا فيه ويقفوا على مسرح دار الأوبرا، لكن لبنان موجوع وإحنا نفسيا مدمرين بمعنى أن هنعمل حفل إزاي والناس مشردة والناس في كتير تستشهد إحنا هنطلع نغني؟ دي حاجة صعبة جدا، أنا دماغي مستوعبتش الموضوع دا وقررت إني اعتذر عن مهرجان الموسيقى العربية". وتابع وائل جسار: "كان حلم من أحلامي إني أقف على مسرح دار الأوبرا واشكر كل القائمين على المهرجان وبعتذر لهم وأكيد الشعب المصري كله معايا في القرار دا لأنه قرار سليم وصائب 100%". وكشف وائل جسار عن الوضع في لبنان قائلا: "أنا في لبنان بنسمع صوت الضرب بشكل مخيف جدا، إحنا بعاد شوية عن الضرب لكن بنسمعه ومش بنام بالليل، عايشين في رعب وخوف، إحنا لسه الحمد لله بننام على وسادة مرتاحين لكن في ناس بتنام على الطرقات موجوعين ومش بياكلوا، في ناس بردانة إحنا بدأنا في فصل الشتاء، ربنا يرحم جميع الشهداء ويشفي الجرحى إن شاء الله". ووجه وائل جسار الشكر للشعب المصري وقال: "مصر دايما واقفة بجانب لبنان والوطن العربي، مصر بلد عظيمة بتحس بوجع الناس خصوصا الشعب اللبناني، اللي أنا منه وبتشرف إني أكون لبناني، أشكر كل الناس اللي بتدعمنا بمحبتها عارف أن من قلبهم بيشتغلوا لشعب لبنان". وكان وائل جسار سيقدم حفلا يوم 12 أكتوبر ضمن فعاليات الدورة ال32 من مهرجان الموسيقى العربية.