حرص المخرج محمد سامي على توجيه رسالة شكر للفنان تامر حسني عبر صفحته الشخصية على موقع "إنستجرام"، وذلك بعد أن تذكر أن تامر كان هو من شجعه على خوض تجربة الإخراج، حيث كان أول عمل له هو مسلسل "آدم". اقرأ أيضًا| دويتو جديد بين «مصطفى حجاج وجاد شويري».. قريباً | صورة ونشر محمد سامي صورة له برفقة تامر حسني وعلق عليها قائلاً:"ولا تنسوا الفضل بينكم" وأنا قاعد إمبارح في التصوير افتكرت الرحلة والشقي والتعب من أول عمل لحد العمل اللي بصوره دلوقتي وافتكرت صعوبة الحصول على فرصة عشان الواحد يثبت نفسة ويحقق أحلامه، فطبعا افتكرت أخويا وصاحبي الجدع الطيب الخلوق اللي دعمني من أول لحظة وكان سبب في اللي أنا فيه دلوقتي". وتابع: "تامر قدملي كل الدعم والحب والامكانيات اللي خلتني اثبت نفسي وبالذات في وقت كان صعب الشباب ياخد في الدرامة فرصة بحجم مسلسل آدم، فاكر اني الكل كان رافض اني اخد الفرصة دي ومستكبرينها عليا إلا هو وقف في ظهري كأنه بيحارب لأخوه وبصلي مرة والظروف كلها ضدي وكنت حاسس وانا بحضر انهم هيجيبو حد غيري وقاللي ده مسلسلك وهتعمله وهتنجح وهتنجحنا معاك، حتي طريقته المتواضعة وهو بيقوللي مسلسلك كأني عامل تسع مسلسلات قبله تحسس الواحد بنفسه وأهميته". وأستكمل حديثه قائلاً: "أشهد أمام الله إنك طول عمرك متواضع ومؤدب وتطلب الحاجة باحترام، ومع الكرو محترم وعشان كدة كلنا روحنا فيك، بحبك يا صاحبي وتستاهل كل حاجة حلوة يا أجمل قلب، ويا رب يرزق كل الناس باللي يساعدهم على تحقيق أحلامهم زي ما رزقني بتامر حسني".