اه يا بلد متشقلب حالها فقرية وحظها منحوس اه يا بلد مكسبها خساير واهو كل ما فيها معكوس ان جانا ربيع ييجى ف يناير وان جانا الواد ييجى موكوس اه يا بلد دايره ف دوايير وف قلب الدايره شعب ومحبوس راح اقولهاك بأه م اللاخر راح اقولها كدة بالمحسوس لا انا شاعر ولا كاتب ساخر انا واحد منك مفروس انا حلمك انا ابن مهاجر كان راجع علشانك مخصوص وف ريحك يتزنق يتاخر وف ليلك راح يبقى فانوس وانا لسه بعافر الحلم اهو سافر لا انا منك فاهم ولا ليكى قاموس اتغير شكلك ولا انا مش فاكر اتغير طبعك ولا دة موروث مش ناوى يا بلدى بحلمى اتاجر مش ناوى ابيعهُ ب تل فلوس انا ماشى الوقتى وراجع باكر يمكن بكره يكون له شموس يمكن ييجى مسامح قادر يجمع شمل قلوب ونفوس اة يا بلد مكسبها خساير واهو كل ما فيها معكوس