النهارده الفجر طالع طعم تانى ولون جديد طعم فيه ريحة البطولة لونه من دم الشهيد اللى ضحى بروحه حالف نصر مصر يكون أكيد بعد ذل وعيشه مرة واحتلال سينا البغيض بعد نكسه وحرب نجسه فيهاغدر وجور شديد قبل مانخش المواجهه وإتاخدنا من بعيد كل مصرى حس يومها دمه ينزف م الوريد وانه مش حاينام ويهدا والجسد واهن مريض كان ضرورى مصر ترجع رافعه راسها من جديد لما ترجع سينا لينا والعدو يطلع طريد لما ناخد تارنا منه والغليل يشفى ويزيد بس كان لازم نقرر والقرار حاسم سديد حرب من غير أى هدنه نار ضروس تغلى وتقييد واما تطفى النار وتخمد يطلع الفجر الوليد فجر أكتوبر ونصره لما رب الكون يريد واما ربك خد بإيدنا وبعزيمه من حديد انتصرنا وخدنا تارنا خليناهم ف الحضيض والنهارده مصر قالت للقريب قبل البعيد بعد ثورتنا ف يناير انتهى عصر البليد مصر حره ومش حاتركع حتى لو مليون شهيد