إيه رأيك لو واحد قال لك دا الرمز وبرضك ريسنا مانسيبه ويرجع ويكمل ونسامح ونكبر راسنا ونصالح بعض ونتراضى ونورى العالم إخلاصنا قلت الحاكم بيننا القاضى عاللى اتحكم فينا وداسنا واللى ف يوم قلناله ارحمنا خد أموالنا وكل فلوسنا بهدلنا وبهدل أحوالنا شتتنا وموت إحساسنا خلانا نحس إن سيادته صربى بيحكم شعب البوسنة وأدى الحق لكل الزمرة تخنقنا وتكتم أنفاسنا وتذل وتتحكم فينا وإن حد اتكلم تخرصنا سلمنا الأمر لمولانا رب العزة اللى بيحرسنا هو الحق وهو العادل من ظلم الريس خلصنا مش ده الريس برضه بتاعنا قسم مصر وباعها وباعنا خلى الدنيا معاه وف عهده ضلمه وسودا ومالهاش معنى واحنا الشعب الطيب عايش من يومها وهو بيخدعنا مش مدين لسيادته خوانه خاننا وشردنا وجوعنا خلانا نبيع اللى بيستر متصور إنه يركعنا وانه بظلمه وذله لشعبه يقدر يهزمنا ويردعنا بس احنا ولاد المحروسة قلنا له ومارضيش يسمعنا والدنيا اسودت ف عنينا لما استعبطنا ولوعنا ماعرفش إن الشعب المصرى مابيرضاش الحكم القصرى وانه بيصبر وبيبلعها وف لحظة يقوم ويولعها لو حس أن الحاكم خانه واتكبر عالشعب وهانه يبقى الشعب إزاى يتنازل عن معمارى السور العازل واللى اتعلى وقام بفلوسنا ونسيبه ويطلع يحبسنا!