خدها منى نصيحة بجد لو عايز تكون مسرور وسعيد لو عايز العمر حباله تزيد معاك الفرصة وموضوع سهل بادر دايما ً زُور الأهل امسح دمعك ولِّع شمعك انس جراحك طير فى براحك انس الحزن فى كل ماضيك سيب تكشيرتك فوق الرف خلِّى الضحكه تيجى ترفرف أوعى تخاف من بكرا الجى قمرك ليلك شمسك ضى انده تلقى الفرحه تجيك ازرع ورده لكل حبيبك ارض بقدرك حب نصيبك انس القسوة حب وسامح عش البسمة بكل ملامح وافتح لهواك الشبابيك صح الأمل معاك لونام اوع تبطل يوم أحلام لو مكسور جناح أو ريش من غير حلم إزاى هتعيش اوع اليأس يعشعش فيك أوع ظروفك تلعب بيك انس كل هموم فى حياتك ادفن ألمك ويَّا آهاتك خلِّى عزيمه معاك تتشد الفرحة أكيد هتمد اليد اعبد ربك صون الفرض حب الآخر فوق الأرض ابذر ازرع شجر الخير صح ضميرك ساعد الغير خليك ثابت دوس بالقدم مش هيفيدك دمع وندم خلِّى الضحكه تعوم فى بحورك تلقى الفرحه أكيد هتزورك وإيدها بكل حنان تتمد