أيتها المرأة التى كانت ولا تزال نور حياتى وقلبى بسببها يعيش فى حالة من الممات لكنى لا أعرف سوى قلبك الحنون. بعيدا عن المقدمات يا عزيزتى وددت أن أكتب لك بعض النصائح كى تاخذين حذرك من الوحش الكاسر الذى يدعو الرجل فهو يقول كلام كالغلبان وينوى أمورا أخرى.. فانتبهى يا ذات الكيد العظيم. (عيونك بحر من الحنان).. وفى سره يقول: خايف أغرق فيهم. (بحبك و ما أقدرش استغنى عنك) وفى سره يقول: لأنك بنك فلوس بالنسبة لى. (الدنيا من غيرك مالهاش طعم) وفى سره يقول: عشان ماسخة زيك. (قلبك ابيض يا حياتى) وفى سره يقول: زى فروة الخروف. (بموووت فيكى) وفى سره يقول: الهى قطر ياخدك يا بعيدة. (ايديكى حنينة أوى) وفى سره يقول: خفيفة زى النشالين. (عمرى ما حلمت بحد زيك) و فى سره يقول: لأنك شبه أمنا الغولة و دى مش بتظهر لحد أبدا. (وحشتينى) و فى سره يقول : مش أنتى يا بعيدة ..فلوسك. (أديكى عمرى) و فى سره يقول: و تحلى عنى. (أنتى غيرتى حياتى) و فى سره يقول: خلتيها زى مولد و صاحبه غايب. هذه بعض ما عنده و بالطبع لن تصمت أصحاب القلوب "الكيادة" على هذه الفعلة الشنعاء و إلى حين الرد كرمك الله بطيب الحال مثل السد.