إحنا موش بتوع ضلمة وليل إحنا بتوع النهار ومهما طال ليلك يا مصر ها تطلع شمس النهار تنور نيلك والهرم والآثار وينمو الزرع والورد والأشجار وتطفش الطفيليات والأشرار ويهرب المطبلاتى والزمار وهجاس الفضائية والهنكار وعشان احنا بتوع النهار لازم تطلع شمس النهار وتكشف كل الأسرار الخاين والمتآمر والغدار وموش عاوزين حاجة لا م الجار ولا الخواجة ماهو الجار بيلعب بالنار وبيأوى إرهابيين وأشرار عاوز يوقع الجدار مستقوى بالأموال وبيعبيها فى شوال يبعزق يمين وشمال ويزعزع فى الاستقرار وبدل البترول والآبار واقعته جت فى بير مالوش قرار ومصر موش مباحة مصر بلد ثوار وأبو نخلتين وخيمة خيبته ما زيها خيبة صبرنا عليه نفد وماعادش ينفع انتظار ولابد من قرصة فى ودانه وشلل فى أبدانه لايبطل لعب مع الكبار يوم ماتطلع شمس النهار وبسلامته الخواجة دماغه مقفولة ومحتاجة تعميرة آخر النهار تظبّط له دماغه مادام حاططنا فى دماغه وتبقى لطمة على صداغه تفوّقه لو محتار ويبطّل كيل بمكيالين واللعب على الجنبين وينحنى لشمس النهار