متشقلب حالها فقرية وحظها منحوس آه يا بلد مكسبها خساير واهو كل ما فيها معكوس إن جانا ربيع ييجي ف يناير وإن جانا الواد ييجى موكوس آه يا بلد دايرة ف دوايير وف قلب الدايرة شعب ومحبوس راح أقولهاك بأه م اللآخر راح اقولها كدة بالمحسوس لا أنا شاعر ولا كاتب ساخر أنا واحد منك مفروس أنا حلمك أنا ابن مهاجر كان راجع علشانك مخصوص وف ريحك يتزنق يتأخر وف ليلك راح يبقى فانوس وأنا لسه بعافر الحلم أهو سافر لا أنا منك فاهم ولا ليكى قاموس اتغير شكلك ولا أنا مش فاكر اتغير طبعك ولا ده موروث مش ناوى يا بلدى بحلمى أتاجر مش ناوى أبيعهُ ب تل فلوس أنا ماشى الوقتى وراجع باكر يمكن بكره يكون له شموس يمكن ييجى مسامح قادر يجمع شمل قلوب ونفوس آه يا بلد مكسبها خساير واهو كل ما فيها معكوس