وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف إيه الحكاية أُوباما إنت عايز إيه.. ما فيش لزوم للتحاليل في اللي قلت عليه.. وَخُد دروس من زمن ماضي.. فَشَلْتم ليه.. وجر مصر لنفوذكم اللي بتخبيه.. الشعب صاحي وواعي لكل ما تخفيه.. فبلاش بقى التفاف ولعب بِتْسَمِّيه.. ديمقراطية وأمريكا بِعَدْلِها بتحميه؟!.. ما تقول لنا «جوانتنامو» إيه بقى بلاويه.. عيب إختشي مش كدا.. بتلف وتدور ليه.. ورقك خلاص انكشف ما تخلنيش أحكيه.. وأفكرك بالعراق اللي غرقتم فيه.. يا أوباما مصر العروبة تاريخ طويل تمشيه.. وبُكْرَة راح تقندر والاعتراض تلفيه.. وبلاش تعوم وسط وَهْم الإخوة أو تداريه.. خُد درس واقرا تاريخنا للجميع أرويه.. سبع آلاف عام حضارة كنتو فين يانبيه؟!.. مش مصر اللي حتقبل سهم لك ترميه.. وإن كنا في شدة لكن جرحنا نداويه.. ده شعب مصر التاريخ وربنا مراعيه.. والرمل قال لك وودعي كل ما تطويه.. وأحب أقول لك كمان وأُوربا عايزين إيه.. اللي يعادينا أمريكا مصر راح تعاديه.. فكر بقى في كل حاجة وقول لي ع اللي ناويه.. وبلاش بقيى فزلكه يا أمريكا وتقولي ليه؟!.. السر عارفه الجميع من غير ما أحكيه.. وَبُكرة تعرف كلامي إيه بقى معانيه.