فوقوا فوقوا مش ناقصين إحنا في غلب بقى لنا سنين وأنتم جيتم واللا مشيتم إحنا ولاد مصر الميامين إحنا شبعنا منكو كلام ولا شفناش غير الأوهام عايزين يعنى ترجعوا تانى مش ناقصين أوجاعكو حرام إنتو خلاص الناس فهموكم وامّا حكمتوا سنة عرفوكم واما لقوكم مش فاهمينهم ثار الناس وقوام رفضوكم الناس عايزة رجال فاهمين مش حكام لايصة وتايهين عايزين نسمع ونقول حاضر؟ مهما تقولوا نرد.. آمين؟ مصر تاريخ لها اسم كبير مش ناقصة غلب وتكسير والأيام هتقول كلمتها والغلطان هنحطه في بير قلتم إيه.. مستنى جواب مش ناقصين تنديد وعتاب يا توافقونا.. ياتفارقونا وتسيبوها لنا ينوبكوا صواب