حأصوم عن النقد حبة.. بس مش قادر يا مغلبنى بأراءكم.. هو أنا فاجر..؟! طب أعمل أيه ما تقولوا لي.. إنتو عاوزين أيه أنا خلاص حأنفجر منكم مانيش صابر. ناس فى المنصة بتهتف.. إحنا مش ناقصين وناس بتحريرنا دايما ضدهم واقفين.. وكل واحد له رأى يخالف التانى .. وناس كدا وسطهم واقفة ما هم فاهمين.. بقت الحكاية خطب وصريخ وأى كلام .. ومستحيل البلد تمشى كدا لقدام.. وأقول لك إيه واللا إيه الكل مش فاهم وكلهم محتاجين الحكم بالإعدام. الثورة دى مش خطب.. أو منظرة وهتاف ولا ناس هدفهم فقط تنشال على الأكتاف.. الثورة محتاجة ناس تثبت مواقفهم.. وتضحى فى كل شيء طول عمرها ما تخاف. شبعنا ثورة كلام عايزين بقى تنفيذ .. ومحتاجين رأى صايب يبقى حلو لذيذ.. بلاش بقى كل حبة تهيصوا فى ميدان .. شبعنا منكم خطب.. بس إحنا مش تلاميذ. رمضان كريم والصيام محتاج كلام تانى وكل حبة ألاقى الدنيا وخداني.. وحأقول لك إيه واللا إيه سبنى بقى فى حالى.. أنا نفسى أرتاح يا ناس م الغلب آه ياني.