قالت الفنانة علا غانم: "ابتعدت عن التمثيل وهاجرت إلى أمريكا علشان كنت محتاجة أقعد مع بناتي اكتر لأنهم ابتدوا يكبروا، وحسيت أنهم خلاص بقوا على وش جواز فقررت آخد إجازة مفتوحة من التمثيل وحياتي بالكامل واروح في مجتمع جديد وأبدأ صفحة جديدة، وهما كانوا عايشين هناك وكان وعد ليهم أني أروح لهم". سر ابتعاد علا غانم عن التمثيل وتابعت خلال لقائها بالإعلامية ريهام سعيد ببرنامج "صبايا الشمس": "إلى حد كبير كنت زهقت من الشغل لإني حسيت بعد أكتر من 20 سنة تمثيل إني محتاجة احط بنزين فكنت محتاجة اخد اجازة، وكنت ابتديت وأنا بمثل بحس أني سخيفة واستتقلت دمي في التمثيل علشان كده كنت لازم افصل شوية". علا غانم، فيتو بنات علا غانم وأكملت: "مكنتش قادرة اكمل تمثيل وزهقت وبناتي وحشوني جدا فسافرت وكان كلي طاقة وقلت هاعيش معاهم وكإننا أطفال ونرقص، ومفيش لحظة وحشني التمثيل خلال فترة الغربة، حبي لبناتي كان أقوى بكتير من التمثيل، وكنت عايزة أحقق لبناتي كل أحلامهم". وتابعت علا غانم: "من وأنا صغير اتعودت اني معتمدة على نفسي واحب انا اللى اكسب فلوس واصرف ومتعودتش اخد فلوس من ابويا ولما مصروفي كان يخلص مكنتش اطلب".
حقيقة زواج علا غانم من ملياردير أمريكي وعن ما تردد عن زواجها من ملياردير في أمريكا بعد الابتعاد عن التمثيل، علقت علا غانم: "اتجوزت آخر 2005 وقررت امشي لأمريكا في 2017، وانا متجوزتش لا مليونير ولا ملياردير ولكن اتجوزت راجل مصري أمريكي قابلته بالصدفة في أمريكا وكان عنده محطة بنزين وباعها وكان عنده مطعم وملهى ليلى وبرضو كان باعهم، ولما قابلته قاللى أنا بطلت كل حاجة فقلت له انت بقى جاي على وبتتوب يعني، وهو كان عايز يرتاح ويبطل شغل". ولفتت: "قبل لما اتجوز كنت مسافرة امريكا بصور مشاهد وبعدين رجعت مصر لقيته جاي ورايا وبيقول لي انا عايز اتجوزك بإلحاح واصرر واتجوزته علشان كنت محتاج في المرحلة دي راجل جنبي وكان يكبرني ب16 سنة، وحسيت انه هيكون احتواء وسند ليا ويساعدني في اللى جاي وخاصة ان بناتي كانوا بيكبروا، انا انفصلت عن ابو البنات وقعدت 11 سنة سينجل وبعدين اتجوزت جوازة فاشلة قعدت 6 شهور وبعدين اتطلقت وبعدين قابلت زوجي الأخير". علا غانم باكية: عايزة أخف وحقي يرجعلي (فيديو) نيابة الأزبكية تصرف علا غانم من سراي النيابة علا غانم تكشف حقيقة زواجها الأخير ولفتت: "أنا ندمان على الزيجة الأخيرة وحسيت اني اتسرعت فيها لإني كنت لسه منفصلة قبلها ب5 شهور، وبعدين طلب الزواج مني بشكل سريع ومفاجئ وقتها كنت بصور فيلم حريم كريم، وكان عندي سلسلة اعلانات، ولكنه كان بيلح وللأسف اتجوزته وده قرار خاطئ وفي النهاية انفصلنا من سنوات وبقى زوجي السابق، وانا دلوقتي مش متجوزة ومنفصلة من سنين". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
