دخلت الفنانة راندا البحيري، في نوبه بكاء أمام جمهورها، اثناء توجيه رسالة دعم للفنانة شيرين عبد الوهاب، بعد الحديث عن دخولها مستشفي لعلاجها من الادمان كما قال شقيقها في هذا السياق، ظهرت راندا في فيديو عبر حسابها الرسمي على موقع التواصل الإجتماعي "فيس بوك" وهي تبكي وتقول: أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين.
وتابعت قائله: "ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا". وأختتمت راند البجيري بقولها: حب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك. على الجانب الآخر، كانت كريمة أبو زيد والدة الفنانة شيرين عبد الوهاب، بكت على الهواء، حزنًا على حال ابنتها بسبب الظروف الصعبة التي تمر بها مؤخرًا ودخولها المستشفى. استغاثة بالرئيس السيسي لإنقاذ شيرين وتابعت خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "استنجد بالرئيس السيسي لحماية بنتي من حسام حبيب وسارة الطباخ". ادمان المخدرات وأضافت: "بسبب فقدانها الوعي نتيجة المخدرات طردتني من البيت وطردت اختها وقالت لنا يلا انتوا مش عارفين أنا مين، وهي مكنتش في حالتها، ولما قلت لها احنا قاعدين علشان بناتك قالت لنا هما كمان برة". علاج شيرين من الإدمان وأكملت: "حسام حبيب ده بني آدم مش كويس وبهدل بنتي معاه، شيرين كانت اتعالجت من الإدمان قبل كده وشفيت ورجعت تاني للمخدرات لما رجعلها".
