كشف منة الله الجواهرجي، ابنة الفنانة الراحلة شويكار، عن موقف إنساني مؤثر للفنان الراحل فؤاد المهندس معها، دفعَه للإقبال على تغيير اسمها والانتساب لاسمه. موقف فؤاد المهندس بجامعة القاهرة وقالت خلال مداخلة هاتفية ببرنامج "مساء دي إم سي" المذاع على قناة "دي إم سي": "أفتكر موقفًا لفؤاد المهندس لما أخدت الثانوية العامة وكان فاضلي درجتين علشان أخش كلية الإعلام وهو كان موظف كبير أوي في كلية التجارة وأبناء العاملين لهم الحق في منح أبنائهم درجات لدخول الكليات، ووقتها خادني من إيدي وأنا منهارة من العياط وروحنا لعميد كلية الإعلام ورئيس جامعة القاهرة واترحب بيه جامد وقاله دي بنتي ومحتاجة درجتين علشان تخش كلية الإعلام فرحبوا، قبل أن يكتشفوا أني مش بنته". حزن فؤاد المهندس وتابعت: "المسئولين في جامعة القاهرة لما شافوا ورقي لاقوا أني مش بنت فؤاد المهندس، ولقيته وقتها متأثر وزعلان جدًّا، التأثر اللي جاله أنه مش قادر يعملي اللي أنا عايزاه، وكان في حالة غير طبيعية من الحزن وقال لماما أنا هنزل أغيّر اسمها وأصر أن أغيّر اسمي وأنا مكنتش بحب أنه يزعل، وماما اللي موافقتش علشان أهل والدي، وده موقف مقدرش أنساه". وقالت منة الله الجواهرجي، ابنة الفنانة الراحلة شويكار، في نفس المداخلة: "فؤاد المهندس كان بالنسبة أبا عظيما وأخلاق وطيبة وحنية وخفة دم".
شخصية فؤاد المهندس وتابعت: "فؤاد المهندس رباني وكان إنسانا جميلا جدا وعلمني حاجات كتير، وأكتر حاجة علمهالي تحمل المسئولية والالتزام واحترام العمل، وكل حاجة بنعملها بحب وإخلاص".
علاقة أبناء فؤاد المهندس بابنة شويكار وأضافت: "العلاقة بيني وبين محمد وأحمد فؤاد المهندس علاقة أشقاء رغم أننا مش إخوات، وعلاقتنا مستمرة حتى هذه اللحظة وولادي بيقولوا لأحمد ومحمد يا خالو، وعمر ابن محمد فؤاد المهندس بيقولي يا عمتي".
كيميا فؤاد المهندس وشويكار وتابعت: "كان فيه كيميا فظيعة بين فؤاد المهندس وشويكار، وهو اشتغل مع غيرها وهي اشتغلت مع غيره لكن شغلهم مع بعض كان مميزا ومختلفا".
نصف تفاحة شويكار وأردفت: "شويكار كانت بتقول عن فؤاد المهندس أنه هو أستاذها وحبها الأول والأخير، ولحد آخر ثانية في عمره كانت بتطبخ له وتبعت الأكل علشان مياكلش غير من إيديها وحب العمر كله، وكانت دايما بتقول هو نصف التفاحة بتاعتي". فؤاد المهندس ومدبولي.. كيف "خدش" عمل فني رونق صداقة 50 سنة ابنة شويكار: ماما كانت بتطبخ لفؤاد المهندس لآخر لحظة من حياته وتبعت له الأكل | فيديو رأي فؤاد المهندس وتابعت: "شويكار كانت بتاخد رأي فؤاد المهندس في كل أعمالها ولما بيقول كلمة كأنها أنزلت عليها علشان هو أستاذها واللى معلمها، وأول من قدمها للجمهور".
