وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف مش قلت لك الودع بيقول بلاش تطنيش.. الشعب صاحي مفتح جَنْب صف الجيش.. دايما في وحدة وسلامة باتحاده يعيش.. لكن مافيش فايدة قلت الكرسي بعده مافيش.. لحد ما الكرسي ضاع ورجعنا شعب وجيش.. طَبْ قول لي ليه كل ده.. فيه عِنْد فيه تطفيش.. أنا قلت لك ألف مرة بالعناد ماتجيش.. ومافيش لزوم للخطب في الزفة والتشويش.. صَدَّق كلامي دى ثورة شعب ما تخليش.. والحمد لله قفلنا بالقزاز والشيش.. على كل واحد يفكر يفرض الحرافيش.. ويْخَوَّف الناس بفرض القوة والتبكيش.. فكرت إن الجماعة بتحمي!!.. ما بتحميش.. الشعب هو الوحيد من صفه ما تعديش.. يامصر ما ترحميش العنف والقلاضيش.. فيه ناس بتوع الكلام والزفة والتطفيش.. وناس اسود في الشدايد ترفض التكويش.. وبعد ثورة شباب مع شرطة ويَّ الجيش.. خليتي شعبك يامصر فرد جناح الريش.. ورجعتي مصر اللي دايما صلبة مابتمشيش.. مع اللي غاويين تسلُّط وأنت ماترديش.. لحد ما الشعب قال مش لابس الطرابيش.. حقك رجع لك وشعبك زيه شعب مافيش.. وإن حد فكر يهدد إمسكه ياشويش
