علمت وكالة "هريدى نيوز" الإخبارية أن رئيس الهيئة العامة للأرصاد الجوية عقد اجتماعًا طارئًا للوقوف على حركة تقلبات الجو في مصر.. وقال "إحنا مابقيناش عارفين نقول للناس إيه.. الشتا بقى زى الصيف.. وكل توقعاتنا بدرجات الحرارة مضروبة" صرح بذلك مصدر "فشار" غاوى تنكيت وهزار، وأضاف أن أحد الصحفيين توجه بسؤال لرئيس هيئة الأرصاد قائلا: هو الشتاء اتأخر كدا ليه سيادتك؟! فرد عليه رئيس الهيئة ساخرا: "أنا بصراحه بقيت في نص هدومى من الناس اللى اشترت لبس شتوى.. ومش عارف ليه الطقس بيستهبل معانا.. دا لولا شوية المطرة اللى نزلت مؤخرا كانت فضيحتنا هتبقى بجلالجل"! المعلم هريدى